Ciyaaryahanka Khadka dhexe ugu dheela kooxda Juventus, Paul Pogba, ayaa si ku meel gaar ah looga joojiyay cayaaraha kadib markii baaritaan lagu sameeyay lagu ogaaday inuu sareeyo hoormoonkiisa testosterone oo caadi ahana ku badan ragga.

Ururka xakameynta dawooyinka ee Talyaaniga ayaa sheegay, in Pogba la baaray kadib guul daradii 3-0 ay Juventus kala kulantay Udinese 20-ki bishi August.

Sodon sano jirkan u ciyaara xulka Fransiiska ayaa si kadis ah baaritaankan loogu sameeyay cayaarta kadib.

Hadii lagu helo ama ay ku cadaato inuu adeegsaday dawadaas, waxaa cayaaraha laga mamnuuci doonaa muddo u dhaxeysa 2 ilaa afar sano.

Wakiilka Pogba, Rafaela Pimenta, waxaa uu sheegay inuu sugi doono baaritaan labaad oo la sameeyo oo go’aankiisa uusan ka hor dhici doonin baaritaanka.