HARGEYSA — Xisbiyada mucaaradka Somaliland ee UCID iyo Waddani ayaa soo dhaweeyey islamarkaana sheegay inay aqbaleen go’aankii ay guddiga dhexdhexaadinta ay xalay ka soo saareen xal-u-helida murankii siyaasadeed ee ka taagnaa Doorashooyinka Somaliland.

Go’aanka dhexdhexaadin ayaa ahaa in doorashada xisbiyada iyo ururrada siyaasadda oo la qorsheeyey inay dhacdo 28-ka December ee sannadkan dib loo dhigo, lagana dhigo 13-ka November 2024, iyo in doorashada xibsiyada iyo ururrada, iyo tan madaxweynennimada la isa saaro, lana qabto 13-ka November 2024-ka.

Doorashada madaxtinnimada ee soo socota ayaa guddiga dhexdhexaadintu go’aamiyeen inay ka qyabgalaan saddexda xisbi ee haatan jira.