Madaxweyne Erdogan ayaa maanta oo Isniin ah gaaray dalka Sacuudiga, isagoo ay la socdaan 200 oo qof oo ganacsato ah, sida laga soo xigtay guddiga xiriirka dhaqaalaha dibadda ee dalkaasi.

Erdogan iyo Dhaxal-sugaha Sacuudiga Maxamed Bin Salmaan ayaa ka qeyb galay xaflad ay heshiis ku kala saxiixdeen shirkadda difaaca Turkiga ee Baykar iyo wasaaradda gaashaandhigga Sacuudiga, sida ay ku warrantay wakaaladda wararka ee Sacuudiga ee SPA.

Labada dal waxay kala saxiixdeen heshiisyo is-afgarad ah oo dhinacyo badan leh oo ay ku jiraan tamarta, maalgashiga tooska ah iyo warshadaha difaaca.

Heshiiska dhinacyadaasi ayaa yimid xilli madaxweyne Erdogaan uu booqasho 3 cisho ah ku marayo gobolka.

Sacuudi Carabiya waxay heli doontaa diyaaradaha aan duuliyaha lahayn “iyadoo ujeedadu tahay in kor loo qaado ciidamada qalabka sida ee Boqortooyada iyo xoojinta awoodda difaac ee dalkaasi sida uu ku waramay Wasiirka Difaaca Amiir Khalid bin Salman Al Saud .