Taliye ku xigeenka Ciidamada Midowga Afrika ee Soomaaliya u qaabilsan dhinaca Taageerada iyo Saadka, Sarreeye Gaas Peter Kimani Muteti ayaa sheegay in Soomaaliya ay ka jirto isbedel nabadeed, waxaana uu bogaadiyay Ciidamada Uganda ee qeybta ka ah ATMISka nabadeynta Soomaaliya. gaar ahaan magaalada Muqdisho tan iyo markii la howlgaliyay 2007-dii. Maj Gen Muteti ayaa hadalkan sheegay mar uu booqasho salaan ah ku tagay Xerada Ciidanka UPDF ee qeybta 1-aad ee Saldhigga Muqdisho,

Taasoo qeyb ka ah hanuunintiisa iyo xog-ogaal u noqoshada howlaha loo igmaday kadib markii uu xafiiska la wareegay.

“Isbadal nabadeed ayaa ka jira Soomaaliya, gaar ahaan Muqdisho, tani waxay u suurtagashay dadaallada UPDF ee tan iyo markii la geeyay 2007; waanu kugu ammaanaynaa tabarucaadkan, dadaalkiinnuna ma ahayn mid aan waxba tarayn,” ayuu yidhi Maj Gen Muteti.

Waxa uu cadeeyay in ATMIS ay xiligaan ku howlan tahay sidii ay ula tacaali lahayd Ciidamada Nabadsugida Soomaaliya, taasi oo uu sheegay in ciidamada UPDF ay si wanaagsan u gudanayaan taasi oo cadeyneysa sababta hadda amaanka Muqdisho ay u sugaan ciidamada XDS.

Maj Gen Muteti ayaa amaan u jeediyay dagaalyahanada ku dhintay howlgalka waxaana uu sheegay in dhimashadoodu aysan micne lahayn balse ay tahay sabab macquul ah.

Dhanka kale waxaa goob joog ka ahaa Taliyaha Qaybta UPDF, Sarreeye Guuto Peter Gaetano Omola, Ku-xigeenka Taliyaha Ciidanka UPDF, Col Griffins Kantinti, Injineer ATMIS ah Col David Nwogu, Sarkaalka Isgaarsiinta Ciidanka, Lt Col Peter Mwila Lungu, Afhayeenka Ciidamada Lt Col Abdul Ganale iyo saraakiil kale.