Ururka Taalibaan ayaa haweenka dalkaasi ka mamnuucday inay dhigtaan jaamacadaha, taasi oo dhallin-yarada dalkaasi ku abuurtay rajo xumo.

Wasiirka tacliinta sare ayaa amarkaasi ku dhawaaqay tallaabadan, isagoo sheegay inay si degdeg ah u dhaqan gali doonto.

Mamnuucida ayaa sii xaddidaysa waxbarashada haweenka – dumarka ayaa hore looga saaray dugsiyada sare tan iyo markii Taliban ay soo laabatay sannadkii hore.

Qaar ka mid ah haweenka ayaa Arbacadii dibadbax ka dhigay caasimadda Kabul.

“Maanta waxaan isugu soo baxnay waddooyinka magaalada Kabul si aan uga hadalno mamnuucidda jaamacadaha ,” ayay yiraahdeen dibadbaxayaal ka tirsan Ururka Midnimada Haweenka ee Afgaanistaan.

Qarammada Midoobay iyo dalal dhowr ah ayaa cambaareeyay amarkan, kaasoo Afgaanistaan ​​dib ugu celinaya xilligii ugu horreeyay ee Talibaan xukunka, markaasoo gabdhuhu aysan heli karin waxbarasho rasmi ah.