Sida ku cad wareegtada wasaaradda arrimaha gudaha, dadka soo galootiga ah ee magangelyada ka doonaya Talyaaniga waxay awood u yeelan doonaan inay xoroobaan oo ay sugaan natiijada codsigooda haddii ay bixiyaan 4938 euro.

Lacag-bixintan, oo loo yaqaan ‘dammaanad lacageed’, ayaa laga codsan doonaa kuwa ka imanaya waddamada uu Talyaanigu u aqoonsan yahay kuwo ‘ammaan ah’. Dadka ka yimid wadamadan waxay u badan tahay in la diido codsiyadooda magangalyada.

Codsiyada kuwa lacagta bixiya waxaa lagu qiimeyn doonaa muddo ugu badnaan 28 maalmood ah, mana looga baahan doono in ay muddadaas ku qaataan xarumaha xuduudaha halkaas oo xaalado la mid ah xabsiyada ay ka jiraan.

Matteo Orfini, oo ah xildhibaan ka tirsan xisbiga mucaaradka ugu weyn ee Dimuqraadiga (PD), ayaa yiri, “(Ra’iisul Wasaare Giorgia) Dowladda Meloni waxay ula dhaqmaysaa dadka soogalootiga ah hab u eg kan mukhalasiinta Liibiya: Haddii aad bixiso 5 kun oo Yuuro, xerada laguguma si hayn doono,” wuxuuna sheegay in dhaqankan uu yahay mid aan dastuuri ahayn.

Hogaamiye kale oo reer Yurub ah Riccardo Magi ayaa yiri, “Xeerka dowladda ee ka dalbanaya 5 kun oo Yuuro magan-galyo doonka si looga fogaado in xabsiga lagu sii hayo waa tahriibin ay dowladdu maalgelinayso; “Waa laaluush takoorid ka dhan ah bini’aadantinimada oo ka dhan ah kuwa ka cararaya gaajada iyo dagaalka,” ayuu yiri.