Wasiiru dowlaha Arrimaha Dibadda iyo Iskaashiga Caalamiga Xukuumadda Federaalka Soomaaliya, mudane Cali Maxamed Cumar, ayaa shalay oo Arbaco ah, Magaalada Dooxa, kula kulmay Dhiggiisa Qatar, Mudane Sultan bin Saad Al Muraikhi.

Mudane Cali Maxamed Cumar ayaa dhigiisa kala hadlay siyaabaha lagu xoojin karo xiriirka labo geesoodka ee ka dhexeeya labada dal ee walaalaha ah, iyo sidoo kale fursadaha horumarinta dhinacyada iskaashiga iyo maalgashiga.

Jamhuuriyadda Federaalka Soomaaliya iyo Dowladda Qatar waxaa ka dhaxeeya xiriir soo jireen ah iyo iskaashi istiraatiiji oo adag.