|

Tababaraha cusub ee Manchester United oo galabta wacadaro dhigay.

Erik ten Hag ayaa ku raaxaystay bilowga guusha isagoo ah tababaraha Manchester United isagoo seddex gool dhaliyay qeybtii hore ee ciyaarta markii ay 4-0 kaga badiyeen kooxda ay xafiiltamaan ee Liverpool.

Ciyaartan saaxiibtinimo ayaa ka dhacday magaalada ee Bangkok ee Thailand.

Jadon Sancho ayaa goolasha daah furay ka hor inta aanu Fred iyo Anthony Martial u kordhin Man United hogaanka kulanka Liverpool oo 90 kii daqiiqo ee ciyaarta sameeyay 21 isbadal, oo ay ku jiraan ciyaartoyga uu ciyaarta ku soo galay oo ay ka mid yihiin ciyaartoyga cusub ee Darwin Nunez iyo Fabio Carvalho.

Da’yarka reer Uruguay ee Facundo Pellistri ayaa goolka afaraad ku daray dhamaadkii ciyaarta, iyada oo in ka badan 50,000 oo taageerayaal xamaasad leh ay hortooda ku sugnaayeen caasimada Thailand.

Dabcan waa ciyaar horudhac u ah xilli ciyaareedkan, iyadoo qaar ka mid ah ciyaartoyda Liverpool ay si dhab ah uga soo laabteen fasaxa saacado ka hor safarka dalxiiska ee Sabtida.

Safka hore, United waxay sidoo kale ka koobnayd ciyaartoy badan oo la filayo inay ka qayb qaataan furitaanka Premier League-gga.

Posted by on Jul 12 2022. Filed under Sports, Wararka. You can follow any responses to this entry through the RSS 2.0. You can leave a response or trackback to this entry

Leave a Reply

120x600 ad code [Inner pages]
300x250 ad code [Inner pages]