|

Arsenal oo Ghelsea ku debatay gurigeeda 4 iyo 2.

Arsenal ayaa saddexda dhibcood kaga soo qaadatay Chelsea garoonkeeda Stamford Bridge, kaddib markii ay kaga soo adkaatay 2-4, kulan qeyb ka ahaa horyaalka Premier League.

Qeybta hore ee ciyaarta ayeey labada kooxood Chelsea iyo Arsenal ku kala nasteen barbardhac 2-2 ah.

Daqiiqadii 13-aad kooxda Arsenal ayaa hoggaanka u qabatay dheesha waxaana 0-1 ka dhigay da’ayarkooda Eddie Nketiah.

17 daqiiqo marka ay ciyaarta mareysay kooxda martida loo ahaa ee Chelsea ayaa dhalisay goolka barbardhaca waxaana 1-1 ka dhigay Timo Werner kaddib markii ay caawin kaga timid saaxiibkiis Loftus-Cheek.

Smith-Rowe oo ay caawin kaga timid Martin Ødegaard ayaa daqiiqadii 27-aad wuxuu hoggaanka markale u dhiibay kooxdiisa Arsenal wuxuuna dheesha ka dhigay 1-2.

Laakiin 32 daqiiqo marka ay dheesha mareysay Chelsea ayaa markale dhalisay goolka barbardhaca kaddib markii uu 2-2 ka dhagay Azpilicueta waxaana ka caawiyay Mason Mount.

Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.

57 daqiiqo markale kooxda Arsenal ayaa la wareegtay hoggaanka dheesha kaddib markii uu Eddie Nketiah ka dhigay 2-3.

Daqiiqadii 90 + 2-aad kooxda Arsenal ayaa loo dhigay rigoore waxaana gool u badelay Bukayo Saka, dheesha ayaana sidaas ku noqotay 2-4 ay ku hoggaamineysay Gunners.

Ugu dambeyntii ciyaarta ayaa ku dhammaatay 2-4 ay kaga soo adkaatay Arsenal, kooxda Chelsea oo ay ku booqatay garoonka Stamford Bridge, Gunners ayaa kaddib guushaan ay gaartay waxay soo fariisatay kaalinta 5-aad ee kala sarreynta horyaalka Premier League, iyada oo leh 57 dhibcood.

Posted by on Apr 21 2022. Filed under Wararka. You can follow any responses to this entry through the RSS 2.0. You can leave a response or trackback to this entry

Leave a Reply

120x600 ad code [Inner pages]
300x250 ad code [Inner pages]