MUQDISHO:- Wararka ka imanaya gobolka Shabeellda Dhexe ayaa sheegaya in maanta dagaal uu ka dhacay degaanka Daaru-Nicma oo u dhow degmada Ruun-Rirgood, kadib weerar ay halkaasi kusoo qaadeen maleeshiyaadka ururka al-Shabaab.

Wasaaradda Gaashaandhigga ee Soomaaliya ayaa sheegtay in ciidamadu ay iska difaaceen weerar uga yimid maleeshiyaadka ururka al-Shabaab, khasaare laxaad lehna ay gaarsiiyeen.

Dhinaca ururka al-Shabaab ayaa sheegtay inay weerar ku qaadeen Daaru-Nicma.

Bishii Juun 30-keedii ayaa al-Shabaab ay horey weerar ugu qaadeen Daaru Nicma, weerarkaas oo loo adeegsaday qarax. Mas’uuliyiinta dawladda ayaa sheegay in qaraxa al-Shabaab uu burburiyey masaajidka Daaru-Nicma.