Al-Shabaab oo la sheegay inay weerar ku qaadeen Saldhig ciidamada dowladda ee degaanka Masagaway iyo faah faahin ka soo baxeysa.
Waaberigii hore ee saaka ayaa waxaa la sheegay in Xubno katirsan Ururka Al-Shabaab ay weera ku qaadeen Saldhig Ciidamada dowladda iyo kuwa degaanka ku leeyihiin degaanka Masagawaay ee Gobolka Galgaduud.
Goobjoogayaal ayaa waxaa ay sheegeen in marka hore ay maqleen jugta qarax xoogan kadibna uu xigay dagaal xoogan oo u dhaxeeyay Ciidamada dowladda oo kaashanaya kuwa degaanka iyo Xubno katirsan Al-Shabaab.
Warbaahinta dowladda ayaa sheegtay in Ciidamada xoogga dalka ay ka hortageen weerarka kaga yimid dhinaca Al-Shabaab, isla markaana Ciidamada ay ka warqabeen, sidoo kalena ay dagaalka uga dileen Al-Shabaab xubno badan oo katirsan.
Sidoo kale Warbaahinta dowladda ayaa sheegtay in Ciidamada xoogga dalka ay degaanka Masagawaay oo hoostaga degmada Ceeldheer ee Gobolka Galgaduud ay ka wadaan howlgal ay ku daba jiraan Xubnihii katirsanaa Al-Shabaab ee soo weeraray degaanka.
