Xarunta ka digta dhulgariirada ee Jaamacadda Sultan Qaboos ee Saldanada Cumaan ayaa sheegtay in dhulgariir cabarkiisa lagu qiyaasay 4.1 uu ka dhacay maanta magaalo xeebeedka Duqm, oo koonfur-galbeed ka xigta caasimadda Muscat.

Booliska Cumaan ayaa boggooda rasmiga ah ee Twitter-ka ku sheegay in aysan helin wax war ah oo muujinaya dhaawacyo ama khasaare ka dhashay dhul-gariirka.

Xilli dhulgariirkii ku dhuftay dalka Turkiga iyo Suuriya ay ku dhinteen kumannaan qof ayaa waxaa xarumaha la socdka dhul-gariirada ee caalamka ay isku dayayaan in ay ogaadaan dhul-gariir kasta oo soo fool leh si loo yareeyo khasaaraha.