Qaar kamid ah gabdhaha ka ganacsada Jaadka ee magaalada Muqdisho ayaa soo dhaweeyay heshiiska madaxda Soomaaliya iyo Kenya ay kala saxiixdeen ee dib loogu bilaabayo keenista Jaadka Miirowga ee Soomaaliya.

Ganacsatada ayaa sheegay in muddadii ku dhaweyd sedexda sanno ee xayiraaddu saarnayd jaadka Kenya ay la kulmeen dhibaato dhaqaale oo saameyn ku yeelatay noloshooda iyo tan qoysaska ay u shaqeeyaan.

Gabdhaha ka ganacsada Jaadka ee Muqdisho ayaa BBC-da uga warramay, wuxuna weydiiyay sida ay u arkaan heshiiska dib loogu bilaabayo Jaadka Kenya.