|

Taliyaha Booliska Soomaaliyeed oo gaaray dalka Rwanda.

Taliyaha Ciidanka Booliska Soomaaliyeed S/Gaas Cabdi Xasan Maxamed Xijaar, oo safar shaqo ku jooga dalka Rwanda, ayaa waxa halkaas soo dhoweyn diirran ugu sameeyey Taliyaha Ciidanka Booliska Dalka Rwanda Dan Munyuza, iyaga oo ka wada hadlay xoojinta xiriirka labo geesoodka ah ee Booliska Labada Dalka. 

Labada Taliye ayaa shirar ay yeelanayaan waxa ay si weyn ugu lafaguridoonaan horumarinta xiriirka soojireenka ah ee ka dhexeeya Booliska labada dalka ee Soomaaliya iyo Rwanda, iyada oo la iska kaashan doono dhinacyada isdhaafsiga xogaha, la dagaallanka argagixisada, tabaha xasilinta iyo dib-u-heshiisiinta bulshada iyo kor-u-qaadidda tababarrada ay dowladda Rwanda siiso Ciidanka Booliska Soomaaliyeed, waxayna wada saxiixan doonaan Heshiis Is-afgarad ah oo ku saabsan arrimahaas.

Sidoo kale, Taliyaha Ciidanka Booliska Soomaaliyeed S/Gaas Cabdi Xasan Maxamed Xijaar ayaa inta uu ku sugan yahay dalka Rwanda, waxa uu tababar u soo xiri doonaa saraakiil ka tirsan Ciidanka Booliska Soomaaliyeed oo tababar heerkiisu sarreeyo ku qaatay dalka.

Posted by on Jul 12 2022. Filed under Wararka. You can follow any responses to this entry through the RSS 2.0. You can leave a response or trackback to this entry

Leave a Reply

120x600 ad code [Inner pages]
300x250 ad code [Inner pages]