Ciidamada AMISOM oo dib uga soo laabtay Gobolka Galgaduud, soona gaaray Magaalada Baladweyne.
Wararka ka imaanaya Gobolka Hiiraan ayaa waxay sheegayaan in Ciidamada Dawlada Jabuuti ee qaybta ka ah howlgalka AMISOM ee maalmihii ugu danbeeyay ku sugnaa qaybo ka mida gobolka Galgaduud ay dib ugu laabteen Magaalada Baladweyne.
Ciidamada Jabuuti ayaa ilaalo ka haayay Raiisal wasaraha Soomaaliya Cabdi faarax Shirdoon Saacid oo socdaalo ku kala bixinaayay deegaano ka mid ah Gobolka Galgaduud, waxaana la arkaayay ciidamada Jabuuti oo wata gaadiidka dagaalka oo saakay wadada laamiga ah ee isku xirta Baladwayne iyo Guriceel ku socda ,kuwaasi oo ku sii jeeday gobolka Hiiraan.
Ciidamadan ayaa ka qayb qaadanayay ilaalinta Wafdiga balaaran ee Ra’iisal wasaaraha Soomaaliya tan iyo markii uu ka soo dagay garoonka diyaaradaha ee magaalada Dhuusamareeb , waxayna ciidamadaasi la tageen degmooyinka Caabudwaaq Cadaado.
Dhinaca kale waxaan la ogayn in ciidamada Jabuuti ay dib ugu laaban doonaan gobolka Galgaduud iyo in kale, iyagoon markii ay yimaadeen qaybo ka mida gobolka Galgaduud ay saxaafada ku sheegeen mid lagu balaarinaayo Howlgalka AMISOM.
Naga soo wac halkan (Skype) |
 |
Posted by