|

Golaha Wasiirada oo amray in ciidankii laga dejiyay Beledweyne dib loogu soo celiyo xeryahooda.

Ciidamada xoogga dalka Soomaaliyeed gaar ahaan kuwo katirsan qeybta 27aad ayaa howlgallo culus waxaa ay ka sameeyeen wadada xiriirisa Magaalada Jowhar ee Caasimadda Hir-Shabeelle iyo degmada Balcad ee Gobolka Shabeellaha Dhexe.

Howlgalka ayaa waxaa hoggaaminayay Taliyaha Guutada 4aad ee qeybta 27aad Korneyl Saneey Cabdulle Gaab, Abaan duulaha qeybta 27aad
Saalax Yaquub iyo Saraakiil kale, waxaana howlgalka uu isugu jiray mid ay ku baarayeen miinooyinka dhulka la geliyo iyo Gaadiidka.

Saraakiisha Ciidamada ayaa sheegay in howlgalka lagu qabqabtay Xubno katirsan Al-Shabaab, Miinooyin ay Aasayaeen iyo Gaari laga soo buuxiyay waxyaabo qarxa, kaas oo weerar lagu fulin rabay.

Sidoo kale waxaa ay sheegeen in howlgalkaan uu daba socdo howlgallo saacadihii la soo dhaafay Ciidamada Kimaandooska DANAB ka sameeynayeen degaannada, Xawaadleey, Jameeco iyo degaano kale.

Wadada xiriirisa Magaalada Jowhar iyo degmada Balcad ee Gobolka Shabeellaha Dhexe ayaa dhowrkii sano ee la soo dhaafay waxaa ka dhacay weeraro iyo qaraxyo mas’uuliyiin lagu dilay, iyada oo Mas’uuliyiinta Maamulka Hir-Shabeelle ka go’een maritaanka Wadadaas.

Posted by on Jan 28 2022. Filed under Wararka. You can follow any responses to this entry through the RSS 2.0. You can leave a response or trackback to this entry

Leave a Reply

120x600 ad code [Inner pages]
300x250 ad code [Inner pages]