| | 215 views

Qaarka mid ah Xildhibaanada Galmudug oo mooshin ka keenay Carabey

Xildhibaanada baarlamaanka maamulka Galmudug ayaa maanta waxa ay kulan ku yeelanayaan magaalada Dhuusamareeb ee xarunta gobolka Galgaduud, sida ay inoo sheegeen mudanayaal ka tirsan baarlamaanka.

Xildhibaanada baarlamaanka ayaa xalay lagu wargeliyay in maanta oo Axad ah uu jiro kulanka baarlamaanka, islamarkaana ajandaha kulanka uu yahay ka doodista mooshinka ka yaalla Madaxweyne ku xigeenka Galmudug.

Mudanayaal gaaraya 97 ayaa waxa shalay mooshin xilka qaadis ah u gudbiyeen guddoomiye ku-xigeenka Koowaad Xareed Cali Xareed, waxayna tilmaameen inuu shaqadiisa gabay Madaxweyne ku xigeenka Galmudug.

Wararka aan ka heleyno magaalada Dhuusamareeb ayaa waxa ay sheegayaan in xalay xildhibaanada baarlamaanka ay kulamo gaar gaar ah ku yeelanayeen magaalada Dhuusamareeb oo ay kaga hadlayeen mooshinka yaalla.

 



Flag Counter

Archives



Barnaamijka Xidigaha Fanka waxaan maanta marti noogu ah Fanaanada Caasha Karaama *Dhageysi wacan*