| | 245 views

Madaxweynaha dalka Zimbabwe Robert Mugabe oo is-casilay

Madaxweynihii dalka Zimbabwe Robert Mugabe oo 37 sano ahaa hogaaminayay wadankaas ayaa ku dhowaaqay inuu is casilay.

Is casilaada Mugabe ayaa ka dambeysay kadib markii xisbiga talada haya uu ka codsaday inuu is casilo waqtina u qabtay. Waqtigii loo qabtay oo dhamaatay isla markaana uu gudiga fulinta xisbiga uu bilaabay inuu go’aan ka qaato ayuu Mugabe u gudbiyay qoraal uu isku casilay.

Dabaaldegyo ayaa ka billowday xarunta baarlamanka kadib dhawaqa uu sameeyey Mudenda. Sharci dejiyayaasja ayaa xarunta baarlamanka u joogay inay mooshin xilka uga qaadaan Mugabe oo 93 jir ah, kaasi oo Zimbabwe xukumayey 37 sano.

Mugabe ayaa tan iyo toddobaadkii tagey wajahayey cadaadis ku saabsan inuu iscasilo, markaasi oo milatariga ay la wareegeen xarumaha dowladeed ee ugu muhiimsan, islamarkaana xisbigiisa ZANU-PF ay ugu baaqeen inuu iscasilo.



Taaj Expess