| | 566 views

Silaanyo oo fariin u diray shacabka Somaliland “Lama Xusi Karayo Xuska 18 May!”

Madaxweyne Axmed Maxamuud Siilaanyo ayaa fariin cusub u diray guud ahaan shacabka Somaliland, isagoona ku dhawaaqay inuu dib u dhigay dabaaldegyada munaasabadaha 18-ka May iyo 26-ka Juun oo ku beegan asaaska Jamhuuriyadda Somaliland iyo markii ay ka go’een Soomaaliya inteeda kale.

“Lama xusi karayo 18ka May, waxaana ku bedelay u gurmashada dadka ay abaaraha saameeyeen” ayuu yiri Madaxweynaha Somaliland oo ugu baaqay shacabka ku sugan dalka gudihiisa iyo dibadiisa inay ka qeyb qaataan gurmadkaasi.

Axmed Siilaanyo ayaa waxaa kale oo uu sheegay inay ololaha samatabixin ee qoysaska abaaruhu saameeyeen loo ururinayo qaaraan lacageed bacdamaa ay fooda nagu soo heyso bisha barakeysan ee Ramadaanka.

Waa markii ugu horeysay oo xukuumadda Somaliland dib u dhigto munaasabadda 18-ka May oo ku beegan markii ay ku dhawaaqeen gooni isku taag, iyadoo abaaraha ka jira gobolada Somaliland dartood horay dib loogu dhigay doorashooyinkii madaxtinimada.

Short URL: http://somaliweyn.org/?p=2691

Posted by on May 15 2017. Filed under lastest video, Wararka. You can follow any responses to this entry through the RSS 2.0. Responses are currently closed, but you can trackback from your own site.

Comments are closed

taaj